O Outeiro

Outra vez o poder político esquécese da Costa da Morte. Nas (boas) novas sobre a supresión de peaxes na ponte de Rande e A Barcala, non se menciona de ningunha maneira o caso da autopista AP-55. Semella que, outra vez, a AG-55 volve a quedar fóra dos acordos sobre supresión de peaxes.

Para quen non o saiba, a AP-55 une A Coruña e Carballo, pasando por Arteixo e Laracha, e é a principal vía de comunicación de toda a Costa da Morte coa capital da provincia, A Coruña.

Teoricamente existe unha alternativa gratuita, a AC-552, pero actualmente esta estrada é unha longa travesía que atravesa todos os núcleos urbáns que se atopan entre A Coruña e Carballo. Por elo, os habitantes e visitantes desta bisbarra teñen que coller (e pagar) case obligatoriamente a AG-55.

Dende hai moito tempo, pero de maneira especial despois da catástrofe do Prestige, prometeuse a supresión da peaxe desta autopista. Evidentemente, esos tempos non son chegados, e polo que semella, aínda teremos que pagar moitas veces esa roñosa peaxe.

Esperamos e esiximos que os políticos da zona reivindiquen firmemente esta promesa que ven de lonxe pero que o actual governo galego asumiu como propia. Pero non só eles teñen a responsabilidade, todos debemos protestar e unir a nosa voz para conseguir esas melloras. Recordemos que a supresión das peaxes de Rande e A Barcala non foi sinxela, e moita xente loitou para que non se deixara de escoitar este tema.

Ata se recolle esta loita na exposición conmemorativa dos 25 anos da ponte de Rande.

Repitamos o noso mantra: O que non chora, non mama.

Mámoa Pedra da Arca

Aproveitando a fin de semana, estiven coñecendo algo máis desta fermosa bisbarra. Neste caso, centreime nos monumentos megalíticos que xa sabía que había por estos lares.

Case todo o mundo coñece o dolmen de Dombate, cantado por Eduardo Pondal, pero nesta visita puiden comprobar que hai moitas máis mámoas na zona.

Como guía, seguín o roteiro das mámoas que o Concello de Vimianzo ten sinalado no entorno do seu concello. A verdade é que hai varias sinais ó longo do camiño que axudan a atopar os monumentos, pero sen preguntar os lugareños non chegaría a moitos dos dólmenes que se anuncian. O estado de conservación de varios deles tamén deixa moito que desexar.

Eso si, non quero que esto soe como unha crítica o Concello de Vimianzo, xa que polo menos eles se preocuparon algo dos seus monumentos, cousa que non podemos dicir do resto de institucións con responsabilidades neste tema.

Unha das promesas feitas a esta bisbarra despois da catástrofe do Prestige foi a creación do Parque do Megalitismo. Esta actuación é realmente urxente e necesaria se queremos por en valor o patrimonio que temos. É moi triste ver case tirados monumentos datados no 3000 a.c., ou, cousa que tamén ocurre na bisbarra, igrexas do século XII practicamente abandoadas.

Por todo elo, esta bisbarra ten dereito a pedir dunha vez o Parque de Megalitismo da Costa da Morte.

Nota: Para coñecer máis sobre dólmenes en Galicia, recomendo a páxina de Historia de Galicia de Julio Anta.

Transcribo a narración da viaxe de Pablo Damonte, arxentino e porteño afincado en Corcubión, entre Vigo (onde está o consulado arxentino) e Corcubión, en transporte público.

La mínima distancia entre dos puntos en el mismo plano es la línea recta

El plano geográfico es tridimensional, por lo que las variaciones de altura dan resultantes diversas para las ecuaciones de distancia.

Desde su origen, el hombre ha desarrollado técnicas para trasladarse de un lugar a otro sin prácticamente sudar. El lunes, para ir desde Vigo a Corcubión tampoco me vi obligado a sudar.

Sólo me demoré 30 minutos en Vigo para llegar desde donde yo me encontraba hasta la estación de buses (una distancia de 15 kms). A las 16:30 horas, después de esperar 20 minutos, salió el bus. Las frecuencias entre Vigo y Santiago no resultaron un problema.

Recorrimos aproximadamente 91 kms en 1:30. En auto tardaríamos aproximadamente 50 minutos.

En Santiago, el horario de los buses á Costa da Morte por la tarde era a las 15, a las 16:15 y a las 19:30. Por ello, me vi forzado a esperar 1:30 para tomar el bus.

Me resultó curioso el anexo del boleto (billete) que sería necesario para el trasbordo que nos prometieron en Baio.

Al llegar a Baio el tiempo transcurrido era de 1:30 horas aproximadamente. Descendimos como pasajeros obedientes para esperar el bus que nos llevaría hacia nuestro destino final. El chófer nos animó diciendo que estaba en camino, a cinco minutos.

La sala de espera era la acera misma, no había bancos, ni refugios para el clima, ni bares próximos, ni siquiera una ventana abierta en el edificio de enfrente para entretenerse un rato. Así estuvimos esperando 20 minutos.

Al llegar el otro bus subimos como pasajeros obedientes, entregamos nuestro boleto anexo de trasbordo y viajamos, como alguna vez soñaron nuestros antepasados, con la mirada clavada en el horizonte.

Recorrimos aproximadamente 75 Kms en 2:20. En auto tardaríamos sobre 1:15.

En total, gasté unos 18 euros en los dos pasajes (Vigo- Santiago y Santiago-Corcubión). Y tardé 5:20 para recorrer 166 Kms. En auto se llegaría en 2 horas.

Quizás A Costa da Morte tenga suerte y se pongan de moda los viajes medievales, travesías ubicadas en el tiempo y en el espacio en que se sucedieron. Siempre y cuando el feísmo urbano y la agresión paisajística dejen de salpicar de modernidad estas tierras inhóspitas, Dios no permita que el progreso nos permita viajar como contemporáneos. Sino, estaría todo perdido.

Sen comentarios.

Estos días, a entidade Neria está a celebrar unha serie de mesas sectoriais para estudar o futuro da Costa da Morte.

Para os que non a coñezan, Neria é unha das institucións máis importantes desta bisbarra, xa que nela están representados os concellos, as empresas, as asociacións e os particulares da zona. Por elo é un das voces autorizadas para falar por toda a Costa da Morte.

Nós estivemos na charla sobre turismo. O presidente de Neria (Xosé Manuel Pequeño) e o secretario (Xan García) fixeron unha pequena semblanza da situación xeral da Costa da Morte e despois explicaron cales cren que son as propostas que se deben levar a cabo para facer do turismo un motor fundamental da bisbarra.

A descripción da situación, coa evolución dos últimos 10 anos, non puido ser máis negativa. Entre outros datos, podemos destacar a pérdida de 7000 habitantes en dez anos (dunha población de 80000). Así o explica Xosé Manuel Pequeño nunha entrevista en A Voz de Galicia.

Despois dese análise global pasaron a detallar as propostas que Neria ten para promocionar o turismo na zona. Algunhas delas son a realización de rutas, musealizacións e puntos de información coordinados ou a promoción da caza e da pesca para fomentar o ocio rural.

Realmente, todas as medidas que propuxeron sobre o turismo eran de sentido común (como todos sabemos, o menos común dos sentidos) e se poden resumir en que Neria aboga por unha planificación turística seria para a comarca.

Polo que tamén se falou na charla, ata o de agora non houbo ningún tipo de planificación nin de coordinación de esforzos a pesar da existencia do Plan de Dinamización da Costa da Morte. Gastáronse cartos pero sen ter en conta as opinións dos diferentes axentes afectados: empresarios, concellos, institucións, etc. Por elo, o cambio fundamental non estaría tanto nas medidas concretas senón en conseguir que se escoite a voz dos colectivos afectados.

Ademais de todo esto, Neria estase a mover para reivindicar solucións a algún dos problemas máis acuciantes da bisbarra. Estas son algunhas das súas últimas iniciativas:

• Presentación dun plan especial de emprego para a bisbarra. Senón queremos perder máis dos 7000 habitantes que marcharon nunha década, hai que crear alternativas de traballo para os mozos da zona.
• Mellora do sistema productivo no rural. Dos 7000 habitantes perdidos, a maioría son das zonas máis rurais, polo que hai que estudar seriamente como mellorar a productividade das explotacións agrarias.
• Neria solicita a Fenosa que mellore as redes de suministro da zona. Calquera que coñeza a bisbarra sabe que os cortes de luz son (demasiado) frecuentes.
• Neria tamén protesta contra a segregación de Arriva. Todo apunta a que senón se para esta segregación, a Costa da Morte sufrirá a pérdida de varias rutas de transporte público.
• Unha comisión de Neria viaxará a Madrid para evitar recortes en Facenda. Como xa comentamos anteriormente, facenda pretende recortar os seus servizos na oficina de Cee.
• Neria propón incluir unha lonxa comarcal no Plan Estratéxico. Esta medida semella fundamental para o sector mariñeiro, xa que a facturación do 2005 nas lonxas locais na Costa da Morte foi a peor do último lustro.
• Creación de pequenas residencias para os maiores e ampliación do hospital de Cee. Polas características demográficas da zona, a mellora da sanidade e da atención os maiores son dos temas máis urxentes.
• Por último, Neria pide dúas autovías para conectar a zona: unha de Carballo a Fisterra e outra de Muxía a Noia que conectase a Costa da Morte co sur de Galicia.

A gran maioría destas medidas son moi necesarias para a bisbarra. E Neria fai o seu traballo reivindicándoas, pero teño que ser bastante pesimista. Se nen siquera houbo ata o de agora vontade para poñer carteis sinalizadores para chegar dende Santiago a Costa da Morte, semella difícil que agora haxa vontade para facer dúas autovías, por poñer un exemplo.

Esperemos equivocarme e que os ollos do novo governo repousen nesta bisbarra tanto tempo desatendida, pero para elo a sociedade civil da Costa da Morte non debemos deixar sóa a Neria nas súas reivindicacións. O primeiro paso é acudir a escoitar e opinar nas mesas que todavía quedan por celebrar. Todas elas son no local de Neria en Cee, ó lado do antigo instituto, e as datas son as seguintes:

• 19/01/06: Sanidade e Servizos Sociais.
• 31/01/06: Pesca, Marisqueo e Acuicultura.
• 01/02/06: Empleo e Formación.
• 02/02/06: Turismo.
• 07/02/06: O Agro.
• 08/02/06: Infraestructuras.

E senón podedes ir a ningunha das charlas, podedes contestar a enquisa que plantexa Neria sobre o plan estratéxico da Costa da Morte.

O ano cambia pero todo segue igual na costa da Morte. Seguen a haber os mesmos problemas de suministro de luz de sempre:

• En Vimianzo e Zas: Un corte de luz afectou a Vimianzo e a Zas durante máis de catro horas.
• En Baio e Zas: Baio e Zas sofren un apagón de máis de cinco horas o día de Aninovo.

Para non esquecer o que levamos pasando fixen unha pequena escolma de novas do ano pasado (da Voz de Galicia) onde se comentan ocurrencias coa luz. So son unha pequena mostra dunha situación insostible:

• En Fisterra (07/01/2005): Unha forte subida de tensión estropea electrodomésticos das vivendas de Vigo e Mallas.
• En Fisterra (29/01/2005): Unha avería deixou sen luz a Fisterra durante máis de tres horas.
• En Laxe (04/02/2005): Laxe sufriu un corte de luz de media hora.
• En Corme (03/07/2005): Un posible cortocircuito provoca constantes cortes de luz en Corme.
• En Vimianzo, Zas, Cabana e Laxe (09/09/2005): Varias localidades de Vimianzo, Zas, Cabana e Laxe sufriron cortes eléctricos esporádicos.
• En Baio (10/09/2005): Apagón nas festas de Zas.
• En Laxe e Carballo (04/11/2005): O temporal evidencia as carencias dalgúns dos servizos básicos.
• En Zas (27/11/2005): Os empresarios do polígono de O Allo denuncian os reiterados cortes eléctricos.
• En toda a Costa da Morte (29/11/2005): Os cortes de luz durante a fin de semana foron numerosos.

Como xa vos dixen, só é unha pequena escolma do ano 2005. Ademais, non todas as incidencias deste tipo son recollidas polos medios de comunicación. Esto ten que cambiar para que non teñamos que ler máis titulares como este: Os fallos eléctricos impiden o desenrollo industrial da Costa da Morte.

Semella que non fai falla ser demasiado listo para darse conta de que así non imos conseguir facer atractiva a nosa bisbarra para a inversión empresarial. E sen traballo, olvidémonos de aumentar a poboación.

Semella que os políticos da Costa da Morte empezan a falar. Reaccións o que comentamos onte:

• Os concellos reclaman que se manteñan os servizos de Arriva.
• Neria tamén reacciona e fai as seguintes peticións:
  • A necesidade de manter as prestacións de Facenda en Cee.
  • Estudar a reestructuración de Arriva e as consecuencias no transporte na comarca.
  • Estudar a incidencia da folga do persoal sanitario do hospital de Cee.
  • A creación dun Plan de Recuperación de Núcleos Singulares Costeiros (solicitarase á Diputación de A Coruña para que o inclúa no Plan Estratéxico Provincial)

Seguiremos moi atentos a evolución dos acontementos. Eso si, agora marchamos ó futebol.

Hoxe escribo de novo dende a indignación. Dende que estou na Costa da Morte sempre tiven a sensación de estar nun lugar privilexiado cunhas extraordinarias posibilidades de sair adiante. Pero semella que como a aquel infausto persoaxe televisivo, hai alguén que quere poñerlle a perna enriba para que A Costa da Morte non levante cabeza.

Recopilamos as últimas aldraxes recibidas:

• A tardanza na chegada da Televisión Dixital Terrestre á Costa da Morte xunto co apagón analóxico que nalgunhas parroquias de Cee fai que non se vexan as cadenas privadas de TV.
• Reducción dos servizos de facenda en Cee.
• Folga no hospital da Xunqueira de Cee que deixa a atención sanitaria en toda A Costa da Morte nunha situación moi precaria.

Ademais, non se fixo nada para mellorar a situación de diferentes infraestructuras da zona:

• O penoso estado das infraestructuras eléctricas da zona que provoca gran cantidade de apagóns.
• O lamentable firme da principal estrada da comarca, a AC-552.

E agora, a pinga que colma o vaso: Vanse quitar as rutas por transporte público entre Fisterra e Santiago, e entre Camariñas e A Coruña.

Xa coñecíamos que Arriva vendera as concesións das rutas que tiña pola Costa da Morte. Por elo, durante bastante tempo os habitantes desta bisbarra non sabíamos (e seguimos sen saber) que ía ser con esas comunicacións. E ata tuvimos que sufrir as consecuencias dunha lexítima folga dos traballadores de Arriva que deixaron en 20 os 175 traxectos que cobren a comarca.

Este tipo de cousas xa serían importantes en calqueira parte, pero máis na Costa da Morte, onde os autobuses son o único transporte público que existe.

Eu non sei que están esperando os alcaldes e representantes públicos da zona en montar unha ben gorda. Sempre se está a falar en xenérico de infraestructuras, do necesarias que son para o desenvolvemento da nosa bisbarra. E ata escoitei uns días atrás falar de recuperar os 7000 habitantes que a Costa da Morte perdera dende hai 12 anos.

Pero aí están estos feitos concretos que non semellan importar. E senón lles amola que a vía principal de comunicación da bisbarra (a AC-552) estea en estado lamentable e que nos quiten parte da merda de transporte público que tíñamos, xa non sei que lles pode preocupar.

Despois que non nos conten os típicos contos das autovías que van construir, tanto á Coruña como á Santiago; nin a chegada do tren lixeiro á Costa da Morte. Se nos están a quitar cousas, ¿ porque temos que pensar que despois nos van a dar máis ?.

Eu espero que haxa máis xente na bisbarra que estea preocupada por estes temas. E que teña gañas de facer algo para cambialo. Nós non sabemos moi ben como nin que facer, pero cremos que a sociedade civil da Costa da Morte debe unirse dalgunha maneira. Intentaremos movernos, pero tamén lanzamos ó aire a luva para quen queira que a colla (e se quere, que conte coa nosa axuda).

Polos fíos misteriosos que unen a blogosfera, chegoume unha mensaxe da Diputada Socialista Lourdes Muñoz.

Esta muller é a Secretaria de Politiques de les Dones del PSC (mira que me gusta o catalán) e foi a que defendiu a posición do grupo socialista sobre as Proposicións de Lei referentes á implantación del software libre na Administración.

De primeiras, quero agradecerlle a preocupación por informar da súa postura ós cidadáns. E tamén, que utilice a súa bitácora para informar das súas actividades parlamentarias. Ademais, ten publicada a súa intervención completa no pleno no congreso. Un exemplo a seguir de transparencia informativa.

Esta diputada basa a súa intervención en que están moi dacordo co software libre pero non queren impoñer nada. Para ser concretos, as principais razóns que esgrimen son as seguintes:

No compartimos esta propuesta porque es incoherente, incompleta y estamos en desacuerdo con algunas consecuencias de su contenido, como son:

• una cuestión es promocionar los software libre, y otra, obligar a comprar y utilizar siempre este tipo de software. Votamos el promocionar la libertad de opción no la de imponer.
• La propuesta vulnera las competencias autonómicas.
• Generaría problemas de inseguridad, al hacer publicar todo el software de la Administración sin ejecutar campos claves como Defensa o Seguridad del Estado.
• Tendría efectos negativos en la inversión en I+D+i de tecnologías y software.

Xa na propia bitácora os internautas fan varios comentarios desacreditando estos argumentos. Sobretodo chirría o seguinte argumento:

una cuestión es promocionar los software libre, y otra, obligar a comprar y utilizar siempre este tipo de software. Votamos el promocionar la libertad de opción no la de imponer.

Soa grandilocuente pero non me di moito. Como se di nos comentarios da bitácora desta diputada, ¿ que pasa entón coas leis que obligan á venda de fármacos xenéricos ?

Semella que o Partido Socialista, impulsor en varias administracións autonómicas deste tipo de software, ten medo de enfadar ós grandes magnates das patentes. Eu entendo ese medo, pero non poden negar que están tomando unha actitude cando menos incoherente.

Pero como teñen mala conciencia e saben dos beneficios e o apoio social do software libre van a sacar unha proposición non de lei na que se propondrá o governo que promocione medidas de aopio ó software libre.

Menos da unha pedra, pero gustaríanos máis que o governo fose máis valiente e non tema as posibles represalias de Microsoft. Semella que a Unión Europea non ten ese medo.

Por primeira vez a Costa da Morte adiántase o resto do estado nunha cuestión tecnolóxica. Polo que poiden escoitar hoxe pola mañá en Radio Nordés hai varias parroquias do municipio de Cee que dende o día 30 de novembro non ven varias das cadenas estatais de televisión.

Segundo parece, o 30 de Novembro, día non que comenzaba as emisións da Televisión Dixital Terrestre produciuse por adiantado o apagón analóxico, pero sen que a emisión en dixital a substituise.

Xa falamos da tardanza en chegar desa televisión dixital a nosa comarca e das iniciativas que se están a desenvolver para protestar contra iso. E os que vivimos aquí xa sabemos que en moitos lugares vese dende hai moito tempo a tele mal, cunhas sinais moi pouco claras. Pero este tema é a pinga que colma o vaso.

Que a xente de Lires ou da Pereiriña leven xa 19 días sen ver as privadas e ningunha autoridade faga nada paréceme bochornoso. Polo que escoitei os veciños falaron co concello de Cee onde, como non, din que non teñen ningunha responsabilidade no asunto.

Eu non sei quen ten ou non ten responsabilidade, pero os dereitos da xente que vive nestas parroquias son iguais de importantes que os que viven nas cidades.

Haberá que dirixirse á Vicepresidencia de Igualdade e do Benestar para ver se fai honra do seu nome e de verdade Anxo Quintana se preocupa do benestar de todos os cidadáns galegos.

Un xa está curado de espanto, pero a veces os políticos poden sorprendernos desagradablemente. Lín o pasado mércores en El Pais a nova seguinte:

El Congreso rechaza imponer el uso de ’software’ libre en la administración.

Xa o titular paréceme un pouco tendencioso, xa que polo que pon no mesmo corpo da nova, non se rechazou impor o software libre senón que se rexeitaron:

las proposiciones de Ley con las que ERC e IU-ICV pretendían impulsar la implantación del software libre en la administración central.

Pero o máis descabellado son as razóns que fixeron votar que non ós diputados do PSOE, PP, PNV e CiU. Segundo o diputado popular José Ignacio Echániz:

“los parlamentos deben fomentar la competencia de todo tipo de software” y evitar intervenir con requisitos “que discriminen y limiten la libertad”.

Para quen non o coñeza o software libre é aquel que, unha vez obtido, pode ser usado, copiado, estudiado, modificado e redistribuido libremente. Podedes ampliar a información con a definición de Software libre na Galipedia.

Semella que ninguén recorda as experiencias positivas que xa tivo o software libre nalgunhas administracións autonómicas. A primeira experiencia foi o Linex en Extremadura e en Andalucía seguiron o exemplo e crearon Guadalinex.

As consecuencias positivas para estas comunidades foron as seguintes:

• Aforro de moitos cartos en patentes.
• Forte pulo ó desenrolo da pequena e mediana empresa adicada ó software.

  Un exemplo de esto é o proxecto Vivernet (Centro de Negocios de Nuevas Tecnologías). Este é o Programa da Consejería de Educación, Ciencia y Tecnología de la Junta de Extremadura, en colaboración con FUNDECYT, destinada a facilitar o desenrolo de novos negocios no ámbito da Sociedade da Información mediante a posta a disposición dos xóvenes emprendedores con capacidad creativa, dos recursos que lles permitan desenrolar as súas actividades.

Oxalá en Galicia non fagan caso desta resolución do Congreso dos diputados e non sigamos aumentando a conta do Señor Bill Gates. Esperemos que as accións divulgativas das asociacións de Software Libre en Galicia pesen máis que as opinións interesadas de Microsoft.

Vía Úsalo.

Ligazóns:

• Definición de Software libre na Galipedia
• Proxecto Linex
• Proxecto Guadalinex
• Free Software Foundation (en inglés)
• The GNU Operating System (en inglés)
• I Xornadas do Software libre na economia social e administracións locais