O Outeiro

Unha proposta pouco habitual no blogomillo chamoume a atención estos días. Trátase do proxecto Cadernos Cidadáns que o pasado mércores 29 de Marzo presentouse por parte do Concello de Vigo en colaboración con Europa Press.

Basicamente, Cadernos Cidadáns é unha motor de bitácoras (ou blos) asociadas ao Concello de Vigo. Por un lado, pretende agregar as distintas bitácoras xa existentes de interese para a comunidade viguesa. Ademais, esta plataforma permite que calquera cidadán ou institución viguesa poida abrir a súa bitácora e escriba sobre o que queira, sempre tendo a cidade de Vigo como marco integrador do conxunto.

Segundo conta no seu blo a coordinadora persoal, Eva Campos, o obxectivo é moi ambicioso, xa que queren fomentar un espazo de debate público para a cidadanía viguesa.

Despois de que os políticos comenzasen a utilizar os seus blos para acercar os seus pensamentos aos cidadáns, agora é tempo de que as institucións públicas utilicen as bitácoras para escoitarnos. Eso si, ademais de permitir que os cidadáns e as asociacións viguesas poidan escribir e expresarse en libertad, sería moi necesario que os dirixentes vigueses tomen boa nota do que alí se fala.

Neste senso paréceme moi loable o compromiso persoal que fai Eva Campos na súa bitácora:

Pola miña banda asumo o compromiso (persoal e profesional) de analizar o detalle e a repercusión que os comentarios dos blogs de Vigo teña nas accións dos seus políticos.

Parabéns para ela. Seguiremos os seus comentarios ansiosos de coñecer a evolución dese recén nacido ecosistema.

Por certo, cada vez me parece máis útil Chuza. Pola nova colgada en Chuza sobre os Cadernos Cidadáns coñezo a interesante discusión sobre os Cadernos Cidadáns que se está a dar en Otra Democracia es Posible.

Ligazóns para saber máis:

O pasado día 25 de Marzo, tivo lugar a primeira xuntanza da promotora da asociación PuntoGal, que ten como obxetivo a reivindicación do dominio .gal como espazo propio no internet para a língua e a cultura da galeguidade no mundo.

A promotora está conformada por representantes de doce entidades:

Como se pode ver na banda colocada na esquina superior dereita da pantalla, nós sempre estivemos dacordo nesta reivindicación. O caso de Cataluña co seu dominio .cat é un referente moi claro no que apoiarse para conseguir os nosos propósitos. Para quen non o coñeza, o dominio .CAT foi aprobado pola ICANN (Internet Corporation For Assigned Names and Numbers) o pasado día 16 de Setembro do 2005.

Aledámonos tamén de que Eganet, asociación a que pertence Galinus esté detrás desta iniciativa. A defensa da cultura galega non está reñida coas novas tecnoloxías.

Por último, unha recomendación para coñecer máis sobre este tema, o Canal Punto G de Vieiros.

Coñezo por Código Cero a existencia da bitácora de José Luis López Orozco, Alcalde de Lugo.

O máis interesante desta iniciativa é que permite aos internautas facer comentarios libremente, non como noutras experiencias políticas na rede. Este feito permite que o blog de López Orozco se estea a convertir nun verdadeiro foro de participación cidadá da cidade de Lugo, con afagos e críticas a laboura do seu equipo de governo.

Gústame como encara este profesor de filosofía esa participación cidadá no blog:

Non me molestan as críticas ainda que sexan anónimas. Fanme ter os pés na terra e como dicía o blogger Demiurgo non padecer a soberbia dos mediocres. Gústame ser Alcalde, traballo que me otorgaron os lucenses nas eleccións e que aceptei dun xeito VOLUNTARIO. Ese traballo leva consigo ser criticado, porque hai moitas perspectivas desde as que ver o mundo no que estamos. Escoitar a héroes silenciosos que no piden nada.
É verdade que o Concello ten os seus propios mecanismos de facer chegar as queixas cidadanas: teléfono 010 ou correo electrónico co Alcalde na páxina web. Pero tamén vale o blog. ¿Porqué non?.

Admirable exercicio de tolerancia, sobretodo despois de ver algunha das críticas anónimas que xa se fixeron na bitácora.

Unha cousa que me extrañou da reseña que fai Código Cero e a bitácora de Eva Campos é que din que este blog é o segundo dun alcalde de capital de provincia, despois do blog do Alcalde de Cornellá. Que eu saiba, e se o Estatut non rachou definitivamente con España e as súas sacrosantas provincias , Cornellá non é capital de ningunha delas.

Eu non coñezo ningún exemplo de alcalde de capital de provincia con blog (se alguén o coñece, fágamo saber). Eso si, ademais do de Cornellá, sei da existencia do Blog de Miquel Estapé, alcalde de la Roca del Vallés. Ningún dos dous permiten comentar libremente as entradas, por elo a importancia do paso emprendido polo mandatario lucense.

O Consello da Cultura Galega organiza para o próximo día 19 de Abril o ENBLOGS 2006, encontro entre blogs de Galicia e Portugal.

Así explican eles mismos os obxetivos deste encontro:

O Enblogs 2006 quere reflexionar sobre os grandes e pequenos temas que rodean a creación de bitácoras: a tecnoloxía, o marco legal, os cambios sociais, as experiencias persoais e colectivas de creación, difusión e distribución de información e ideas a través deste formato.

Este encontro realizarase nun só día, o do 19 de Abril do 2006, na sede do Consello da Cultura Galega situado no Pazo de Raxoi. Aquí podedes consultar o programa.

A inscripción é gratuita e realízase a través do seguinte formulario de inscrición.

Esta xornada é a antesala do LUSOCOM, VII Congreso Internacional da Comunicación Lusófona, que se celebrará en Compostela a partir os día 20, 21 e 22 de Abril de 2006.

Vía Deakialli Documental.

O pasado día 29 de Marzo anunciouse na prensa que Galiza albergará en Santiago un dos ordenadores máis potentes do mundo.

O supercomputador Finis terrae, que así se chama esta máquina, é un dos maiores ordenadores do mundo en memoria compartida e foi desenrolado por HP e Intel. Grazas a un convenio entre estas empresas e o CESGA estará instalado nas instalacións desta institución en Santiago de Compostela.

O CESGA terá que facer sitio a esta máquina, que abarca uns 140 metros cuadrados e pesa unhas 33.5 toneladas de peso. Con estas medidas podemos facernos unha idea da súa enorme capacidade de cálculo.

Este superordenar traballará con soporte de códigos baseados en software libre tales como Linux, Lustre e Globus e terá máis de 18 terabites de memoria distribuidos nuns 2.500 procesadores.

As vantaxes para Galicia son grandes, xa que unha ferramenta tecnolóxica deste tipo vai atraer a moita xente que traballa en problemas onde o cálculo numérico é fundamental. Ademais, vai a resolver os problemas de saturación que sufrían os servidores do CESGA e que ralentizaban o traballo de moitos investigadores.

Se queredes saber máis sobre o tema, así o contan na web do CESGA.

Otra boa nova que fortalece as relacións entre Galiza e Portugal, a convocatoria do 1° Encontro Luso-Galaico sobre Weblogs, a celebrar o 13 e 14 de Outubro de 2006 na Universidade de Porto.

O encontro pretende servir como punto de encontro dos bitacoreiros de un lado e outro da raia e escomezar así unha relación ata o de agora moi feble. Ademais coincidirá co 3° Encontro Nacional de Weblogs, dándolle todavía máis interés o evento.

Para nós hai outra razón de ledicia, como é a presencia de Catuxa Seoane na organización do evento. Demasiadas boas razóns como para perder unha ocasión así.

Voltamos a ter novas do noso amigo Fran Doménech e os seus compañeiros dos Museos Científicos Coruñeses.

Como xa contamos, estrearon hai un tempo un podcast para compartir na rede as charlas que organizan.

E agora deron un paso máis e tamén poñen a nosa disposición audioguías para recorrer os seus museos.

Agradecemos calqueira disculpa para revisitar esos centros de cultura. Felicidades para Fran e todos os que traballaron neste tema.

Só un pequeno comentario crítico: está moi ben que as guías estean en bilíngüe (castelán e inglés), pero gustaríanos que tamén estivesen en galego. Unha pequenísima sombra nun proxecto con moitas luces.

Actualización 28 de Marzo de 2006:

Semella que esa crítica que fixemos foi recollida polos responsables desta iniciativa e acaban de presentar a nova versión en galego da web dos museos.

Gracias de novo a Fran Doménech.

Outra vez o poder político esquécese da Costa da Morte. Nas (boas) novas sobre a supresión de peaxes na ponte de Rande e A Barcala, non se menciona de ningunha maneira o caso da autopista AP-55. Semella que, outra vez, a AG-55 volve a quedar fóra dos acordos sobre supresión de peaxes.

Para quen non o saiba, a AP-55 une A Coruña e Carballo, pasando por Arteixo e Laracha, e é a principal vía de comunicación de toda a Costa da Morte coa capital da provincia, A Coruña.

Teoricamente existe unha alternativa gratuita, a AC-552, pero actualmente esta estrada é unha longa travesía que atravesa todos os núcleos urbáns que se atopan entre A Coruña e Carballo. Por elo, os habitantes e visitantes desta bisbarra teñen que coller (e pagar) case obligatoriamente a AG-55.

Dende hai moito tempo, pero de maneira especial despois da catástrofe do Prestige, prometeuse a supresión da peaxe desta autopista. Evidentemente, esos tempos non son chegados, e polo que semella, aínda teremos que pagar moitas veces esa roñosa peaxe.

Esperamos e esiximos que os políticos da zona reivindiquen firmemente esta promesa que ven de lonxe pero que o actual governo galego asumiu como propia. Pero non só eles teñen a responsabilidade, todos debemos protestar e unir a nosa voz para conseguir esas melloras. Recordemos que a supresión das peaxes de Rande e A Barcala non foi sinxela, e moita xente loitou para que non se deixara de escoitar este tema.

Ata se recolle esta loita na exposición conmemorativa dos 25 anos da ponte de Rande.

Repitamos o noso mantra: O que non chora, non mama.

Un par de novas ilusionantes para a bisbarra:

Os problemas da zona non son novos. Deso xa falamos moitas veces. Pero que protestemos, e máis de maneira conxunta e organizada, non é tan habitual. E non hai outro camiño. Repitimos o noso mantra: o que non chora, non mama.

Os Museos Científicos Coruñeses acaban de estrear un podcast para compartir na rede as charlas que organizan.

O podcasting é o sistema máis utilizado na rede para a divulgación de contidos sonoros. Utilizándoo, os Museos Coruñeses porán a disposición de todo o mundo algo que antes so podían coñecer os asistentes das charlas.

Na páxina deste servizo de podcast explican dunha maneira sinxela e intuitiva os pasos necesarios para suscribirse.

A nosa ledicia é doble o coñecer que nesta idea está implicado un amigo noso, Fran Doménech. Felicidades para el e para todos os que traballaron.

Vía Código Cero.