Abril 9, 2006

Semana Santa na Costa da Morte

Arquivado sob: Festas e tempo de lecer and Muxía and Vimianzo and Camariñas and Fisterra at 7:45 pm Comments Off
Secaderos de Congro de Muxía
Secadoiros de Congro de Muxía

A Semana Santa é unha das épocas nas que máis xente se achega á Costa da Morte. Esta é unha pequena escolma dos atractivos que ofrece estos días a nosa bisbarra:

Fisterra: Semana Santa - Festas do Santo Cristo

A Semana Santa vívese con fervor en Fisterra e as Festas do Santo Cristo están declaradas de Interese Nacional. Aínda que as festas comenzan xa o Venres das Dolores (anterior ó Venres Santo), os actos principais concéntranse dende o Xoves Santo ata o Domingo de Resurreción:

  • Xoves Santo: A Romería do Santo Cristo comenza o Xoves Santo coa escenificación da Última Cea no presbiterio da Igrexa. Os mariñeiros encarnan aos apóstoles nunha representación que remata cun lavatorio de pés e a celebración da Eucaristía.
  • Venres Santo: As rúas da vila son recorridas pola procesión do Encontro, na que Xesús coa Cruz camiña hacia o Calvario. Nese Vía Crucis toman parte as imaxes de Xesús o Nazareno, A Virxen das Dolores, San Xoán, a Verónica e Simón o Cireneo. Pola tarde levántase na igrexa parroquial de Santa María das Areas o Cristo Crucificado.
    Esa misma noite, despois da liturxia, sae da igrexa a procesión do Santo Enterro, que remata despois de medianoite logo de depositar o corpo de Xesús nunha cova cerca da igrexa.
  • Domingo de Resurrección: Este día escenifícase o acto máis concorrido da Semana Santa. Coa participación de moitos fisterráns escenifícase un auto sacramental que narra en verso a Resurreción de Cristo. Este acto remata co baile da Danza dos Paos, antigo baile orixinario do século XVII.

    • Camariñas: XVI Mostra do Encaixe

    Desde o Mércores 12 de Abril ata o Domingo 16 celébrase un dos eventos máis destacados de toda a bisbarra, a XVI Mostra do Encaixe de Camariñas. Nestos 5 días faranse un gran número de actos relacionados co encaixe e a moda. Aquí tedes a programación detallada da XVI Mostra do Encaixe de Camariñas.

    E aquí vos deixo outra ligazón para coñecer máis sobre o encaixe de Camariñas.


    Muxía: X Festa do Congro

    O Venres Santo (14 de Abril), celébrase en Muxía a X Edición da Festa do Congro. Esta vila está moi relacionada con ese peixe, é un dos poucos sitios onde todavía se poden ver os secaderos de congro.

    Por un módico prezo de 3 euros os asistentes poderán mercar unha cunca de viño e con elo terán dereito a probar o congro realizado de diferentes maneiras: en empanada, caldeirada e á prancha. Asemesmo, moitos dos establecementos hosteleiros de Muxía uniranse a festa preparando de diferentes maneiras o congro.

    Esta cita está organizada pola Asociación Punta da Buítra, que polo que imos coñecendo da bisbarra, é unha das entidades que máis fan pola cultura tradicional destas terras.


    Cabana: Visitas a monumentos megalíticos

    O Concello de Cabana contén algún dos monumentos megalíticos máis importantes da Costa da Morte, unha zona de por si moi rica en este tipo de patrimonio. Nesta Semana Santa organízanse visitas organizadas aos monumentos máis senlleiros:

  • Visitas ao Dolmen de Dombate: Aínda que todavía non se rematou coa restauración (unha vergoña da que habería que falar algún día), esta Semana Santa pódese visitar o dólmen máis importante do noso país. Os horarios de visita son de 10:00 a 14:00 e de 16:00 a 20:00.
  • Visitas ao Castro de Borneiro: O mesmo Concello de Cabana organiza do día 13 ao 16 visitas organizadas a un dos poblamentos castrexos mellor conservados de Galicia, o Castro de Borneiro ou Castro A Cidá. Podedes buscar máis información sobre estas visitas na web oficial do Concello de Cabana.

    • Vimianzo: Mostra de Artesanía en Vivo

    Desde o día 8 de Abril ata o Domingo 16 podese asistir no Castelo de Vimianzo a Mostra de Artesanía en Vivo. Un canteiro do propio Vimianzo, palilleiras de Camariñas, Muxía e Vimianzo, cesteiros e oleiros de Buño, sombreiros de Mazaricos, liño de Zas, coiro de Vimianzo, maquetas de barcos de Camariñas e azabache e plata de Santiago integran a exposición, que estará aberta ata o día 16 de 10.00 a 14.00 e de 16.00 a 20.00 horas.

    Esto son só algunhas das cousas que se poden facer na Costa da Morte durante esta Semana Santa. Ademais de todo elo, están os atractivos habituais destas terras, o seu patrimonio cultural, etnográfico e, sobretodo, natural.

    Março 6, 2006

    Festa do Bolo do Pote

    Arquivado sob: Ilusión and Festas e tempo de lecer and Mazaricos and Gastronomía at 7:06 pm Comments Off

    VII edición da Festa do bolo do Pote

    Cociñeiras de Mazaricos traballando

    O domingo foi un día moi agradable en Mazaricos. A celebración da VIII edición da Festa do Bolo do Pote encheu a Picota e o resto do concello de xente desexando probar esa comida tan tradicional.

    Non sei como foron as anteriores edicións, pero semella que este certame xa está ben consolidado. Dende aquí mandamos unha felicitación a quen se lle ocorreu esta festa que pon en valor outra costume tradicional.

    O Bolo do Pote, para os que non o coñezan, é un bolo feito con fariña de millo mesturada con fariña de centeo para darlle máis consistencia. Tamén se lle pode botar algo de touciño ou chourizo para darlle máis sabor. Unha vez compactada a masa, introdúcese o bolo no caldo do cocido, collendo así todo o seu sabor. E soe comerse xunto o cocido.

    Nesta VIII edición fíxose unha degustación deste manxar na praza da Picota. Eso si, a degustación apenas durou media horiña pola cantidade de xente que ateigaba a praza.

    Os restaurantes da zona uníronse a festa preparando un menú con cocido xunto o bolo polo módico prezo de 10 euros. Nós disfrutamos deste menú en Casa Jurjo, onde nos trataron realmente ben.

    E que mellor para completar esta xornada en Mazaricos que admirar a grande cantidade de cabalos que se acercaron ata a Picota para unha exhibición ecuestre. Para un ex-urbanita, esta combinación de cabalos e boa comida é un auténtico luxo.

    Así conta a Festa do Bolo do Pote a prensa de hoxe.