xeral[arroba]galinus.com

Artigos de Galinus >

Guía rápida para escribir para a web

Introducción

Na web lemos distinto que cando lemos en papel. A resolución tan baixa das pantallas (72 puntos por pulgadas) fai que non percibamos o texto coa mesma claridade que no medio escrito. O usuario non le parráfos completos, se non que busca información percorrendo a páxina coa vista .

As principais consecuencias da pouca resolución das pantallas son:

• A velocidade de lectura disminúe un 25%
• O usuario é incapaz de centra-la súa atención en anacos de texto longos.
• A atención se dispersa.
• A vista salta de lado a lado sen centrarse nos detalles.

O usuario entra na nosa páxina buscando información e cómpre ofrecerlla claramente. As páxinas están compostas de anacos de información de distinta natureza (menús, enlaces, texto simple, etc) que cómpre coordinar para acabar guiando ó usuario ó que precisa.

Queremos dar unha serie de consellos básicos para adaptar a nosa escritura a este novo medio e mellorar a capacidade de capta-la atención dos visitantes das nosas páxinas.

Recomendacións de estilo

• Reduce a lonxitude do texto

Recorta todo o posible o texto. Os grades bloques de texto asustan ó usuario, que non os le. Con textos máis curtos síntese menos intimidado. Como media pensa que podes reducir un 50% a lonxitude do texto pensado para papel.

• Para cada idea, utiliza un párrafo

O seren breves e estar organizamos visualmente cunha ollada sacamos moita máis información sobre a páxina. Dúas ou tres liñas poden ser poucas no papel, pero abondan nunha web.
Nota: utiliza as etiquetas <p> </p>

• Utiliza un estilo directo

Non des voltas inncesarias. Esquece os teus días de estudiante onde a nota dos traballos se medía polo peso do taco de folios que entregabas.

Evita as oracións en pasiva.

Non utilices dobles negacións. Lembra aquela frase de avogado que di "non é verdade que non é mentira que o acusado..." e pensa no difícil que pode ser descifrala.

• Estilo xornalístico

Comenza os párrafos pola conclusión e vai desenvolvendo o argumento a medida que avances.

Recomendacións para orientar ó usuario

Evita que os usuarios se perdan na estructura do teu sitio web. Os usuarios poden chegar á nosa páxina por moitos camiños (de buscadores, de ligazóns de outras páxinas) e necesitan axuda para saber onde están dentro da túa web. E aínda que cheguen desde a páxina principal, tamén necesitan saber con claridade onde están.

• Coloca enlaces para situar ó usuario en contexto

Ofrece ligazóns con acceso á información que apoie o que estás a ofrecer na páxina.

• Escolle títulos explicativos para as páxinas

O título é o teu texto de presentación. Un título ben escollido vai axudar a saber sobre que trata a páxina, axuda a que a xente se fixe na nosa web nos buscadores e guía a nosa ollada cando temos moitas ventanas abertas.

• Encabezados con 2 ou 3 niveis

Utiliza os encabezados para marcar a importancia da información que levan asociada. Máis grande = máis importante.

• Os encabezados deben ser significativos

Escolle frases descriptivas. Xunto co punto anterior, axudará ó usuario a orientarse dunha ollada dentro da páxina.

• Salienta as verbas clave

Utiliza negriña para salientar-las palabras clave. O texto en pantalla é unha masa gris. Isto fai moi difícil distinguir verbas que poidan dar unha idea do contido do texto. Utilizando as etiquetas <strong></strong> podemos dirixila ollada ó lugar que nos interesa.

Utilizar ben o hipertexto

• As ligazóns, ó final da frase

Po ir suliñadas e en cor azul (recomendado), as ligazóns atraen moito a atención. Se as colocamos no medio dunha frase poden racha-la fluidez e desorientar o usuario. Procura colocalas ó final da frase.

• Ligazóns e destinos deben parecerse

Cando fagas unha ligazón, procura que o texto que leva coincida co título ou co encabezado da páxina á que leva. Non sempre é posible, pero canto máis se parezan, máis cómodo se ha senti-lo usuario.

• Poucas verbas na ligazón

Non enlaces textos longos. Engaden moito ruido e o texto é difícil de ler. Por moito que penses que por levar palabras clave has subir nos buscadores, pensa que se a túa páxina é difícil de utilizar as probabilidades de que alguén te enlace disminúen.

Comentario Final

Isto non é unha guía extensiva de como escribir para a web. O ideal é contar con xornalistas especializados para que sen encarguen da redacción, pero sabemos que só e posible en empresas grandes. Pero se pos un pouco de atención e sigues estes consellos, verás que con pouca práctica os teus textos han mellorar considerablemente.

Para saber máis

• Texto Vivo. Escribir para la web.